Politique

Alain Ramaroson Hanao krismasy ao Antanimora ?

Politique
Alakamisy 17 Novambra 2016

Telo volana any am-ponja izao i Alain Ramaroson. Fanaovana hosoka sy fampiasana hosoka amin�ny taratasim-pandovana no nitorian�ny fianakaviany azy ka namoahan�ny Fampanoavana didy savaranonando fitazonana am-ponja vonjimaika nanomboka tamin�ny 3 aogositra 2016.

Hatreto dia tsy misy datim-pitsarana raikitra momba azy, vao mainka indray aza mitovana ny fitoriana an’i Alain Ramaroson taorian’ny nidirany teny Antanimora. Tsy ho alohan’ny frankôfônia aloha, raha ny loharanom-baovaonay. Ny loharanom-baovao hafa indray milaza fa mety hanao krismasy ao Antanimora ity filoha nasionalin’ny antoko Masters ity. Nifangaro tamin’ireo besinimaro voafonja i Alain Ramaroson tamin’ny nidirany tao Antanimora. Taty aoriana dia nafindra ao amin’ny kartie fantatra amin’ny anarana hoe : “Maputo”, nametrahana ireo gadra politika sivily sy miaramila tamin’ny tetezamita.

Jean D.