Politique

�29 martsa� tao Tolagnaro Nifampitazana ny manampahefana sy ny miaramila

Politique
Alarobia 31 Martsa 2010

Hafakely ny nitranga tao Tolagnaro renivohitry ny Faritra Anosy, nandritra ny lanonana fahatsiarovana ny tsingerin-taona faha-63 taonan’ny tolom-panafahana 1947, ny 29 martsa lasa teo.Nangadihady teo anoloan’ny Lapan’ny tanàna misy ny tsangambaton’ny mahery fo. Honjohonjon’ny miaramila nanao paorijenitra sy manampahefana nikabary no hany teny an-toerana, fa dia variana tany amin’ny asa aman-draharahany, sy ny fiahiana ny fiainany an-davanandro ny olona na teo aza ny fanentanana totoafo natao tamin’ny haino aman-jery tao an-tanàna amin’ny fankalazana ny “29 martsa”. Mampieritreritra ihany ny toe-javatra toy izany. Tsy to teny ny mpitondra, sa mandaitra ny kolontsain’ny zarazarao anjakana, sa efa difotry ny fahantrana Ramalagasy ? Raha noana mantsy ny kibo mivezivezy ny fanahy, na ambara aza fa nahafoy ny ainy ho fanavotana ity Madagasikara ity teo ambany vahohon’ny mpanjanatany ireo tia tanindrazana.

Nangonin’i Jean D.