Politique

26 Jona : Tsy misy FAT no tanjona, hoy ireo mpanohana ny ara-dal�na

Politique
Alarobia 02 Jona 2010

Mitohy ny tolona, hoy ireo mpanohana ny ara-dalàna. Ny zava-misy eto amin’ny firenena, hoy izy ireo dia herisetra, fisamborana, fanagadrana, na mpanao politika, na mpanao gazety, eny hatramin’ny mpitondra fivavahana dia tsy misy afa-maina avokoa. Araka ny fahitan’ireo manohana ny ara-dalàna izay zava-misy izay dia matoa ny FAT manao izao herisetra izao dia mba hanakonany ny fahareseny tany Nice, sady tsy voaasa no mbola nanaovan’ny vondron’ny Gasy Tia Tanindrazana fihetsiketsehana ary tsy nahatanteraka koa ilay fivoriana natao hoe fihaonambem-pirenena na « dialogue national ». Araka izany, hoy izy ireo dia resy sady afa-baraka ny FAT ka dia ny fampihorohoroana no atao mba tsy ahitan’ny vahoaka izany faharesena izany. Izay ny dingana voalohany hianjeran’ny FAT, hoy ihany izy ireo. Ny dingana manaraka kosa dia manomboka amin’ity herinandro ity ka hatramin’ny 15 jona dia hanome ny saziny ny vondrona eoropeanina. Manoloana izany anefa dia mitaky fahamailoana satria mety ho herisetra indray no setriny, hoy ny fanazavana. Any amin’ny faha-10 Jona any manko dia handalo any Genève ny FAT ka horesahana manokana amin’izany ny momba ny fanajana ny zon’olombelona.

Nangonin’i Soa