Politique

100 tapitrisa dolara avy amin�ny Wisco Tompony mangataka atiny ny vahoakan�i Soalala

Politique
Zoma 28 Desambra 2012

Nijoro, nitondra fanazavana ny minisitry ny fitantanam-bola sy ny tetibola, Rajaonarimampianina Hery, rehefa nametraka ahiahy amin�ny loharanom-bola nanamboarana ireo fotodrafitrasa ambara fa �manara-penitra� fampanantenan�i Andry Rajoelina ny praiminisitra Beriziky Jean Omer.

Nanamafy ingahy minisitra fa vola 100 tapitrisa dolara azo avy amin’ny fanomezan-dalana ilay orinasa sinoa Wisco, hitrandraka vy ao Soalala no nanatanterahana ireny fampanantenana ireny. Mazava sy ara-dalàna ny nidiran’ny vola, ary toy izany koa ny fivoahany, hoy ny minisitra ary efa voaeritreritra tsara ny toerana nanorenana ny fotodrafitrasa. Etsy ankilany anefa dia manao fanamarihana ny mpikambana ao amin’ny Filankevitra ambonin’ny tetezamita, Tsiranana Pierre, fa tsy mahazo tombontsoa avy amin’io vola be io i Soalala. Ratsy ny lalana, tsy misy fotodrafitrasa, nefa toerana mety mahasarika mpizahatany. Rariny, hoy i Tsiranana Pierre raha mba anorenana fotodrafitrasa manara-penitra any i Soalala, mba tsy ho tompony mangataka atiny ny mponina any.

Nangonin’i Jean D.