Actualités

Volamena ao Soamahamanina Nitondran�ny Sinoa fitaovana vaventy

Actualités
Alatsinainy 06 Jona 2016

Raikitra ! Hanomboka ny fitrandrahana volamena hataony ny ao Soamahamanina, Distrikan�i Miarinarivo ny orinasa sinoa Jiuxing Mines S.A.R.L.

Efa miatrana eny an-toerana ireo fiarabe sy fitaovana vaventy hampiasain’ny orinasa. Ny orinasa Tanety Lava S.A.R.L no nanana ny fahazoan-dalana hanao azy io teo am-piandohana. Nafindrany amin’ny Jiuxing Mines S.A.R.L izany dia izao ity farany roso amin’ny fitrandrahana izao, rehefa niandry ny «Permis environnemental» avoakan’ny ONE na Ofisim-pirenena mikajy ny Tontolo Iainana, nanao fanadihadiana ny fiantraikan’ny asa fitrandrahana amin’ny tontolo iainana. Nampisavorovoro ny mponina tao Soamahamanina ity fitrandrahana hataon’ny sinoa ity. Nitsivalana, ary nidina an-dalambe nilanja sorabaventy nanohitra izany ny mponina tamin’ny efa-bolana lasa izay. Tsy nanafoana na nampihemotra ny fitrandrahana eny an-toerana anefa izany.

Nangonin’i Jean D.