Actualités

Partagé sur :
• facebook

Raha voasokajy ho kilalaon’ny ankizy hatrany ny trotinette hatramin’izay dia efa azon’ny olon-dehibe ampiasaina tsara ankehitriny, misy môtera ary mahalasa lavitra, vita eto amintsika.

 Anisan’ny voka-pikarohana haranty eny Antsobolo io  nanomboka omaly  talata 5 jolay vokatry ny fikarohana nataon’ny mpianatry ny sekoly ambony ISPM ( Institut Supérieur Polytechnique de Madagascar)  taona voalohany ao amin’ny lalam-piofanana EMI ( Electromécanique Informatique et Industrie).  Tao anatin’ny telo herinandro monja no nanomanan’ny mpianatra izany, haseho ny rehetra mandritra ny varavarana misokatra karakarain’ny sekoly izay  manana tanjona  hanatanteraka ny rafi-pampianarana LMD,  tsy mijanona fotsiny amin’ny fahalalana azo avy any am-pianarana fa miezaka mikaroka sy manita-tsaina ihany koa. Ankoatra io trotinette io dia anisan’ny voka-pikarohana hitan’ny mpianatra ao amin’ity sekoly ity ihany koa ny fiarovana amin’ny aretina allergie, ny filalaovana basket izay tsy voatery hiakarana eny amin’ny kianja intsony fa azo lalaovina amin’ny alalan’ny solosaina. Ireo mpianatra ao amin’ny taona fahatelo  no nanatanteraka ity farany. Ny mba hanampiana ireo tanora tsy hanaotao foana fa hankafy ireo karazana jeux izay marihina fa efa tena mahazo vahana eny anivon’ny fiarahamonina tokoa no tanjona hisorohana azy ireny tsy hiroso amin’ny firaisana ara-nofo aloha loatra na koa ny fidorohana zava-mahadomelina.

Pati

Tia Tanindrazana

Samia mijoro ho an'i Gasikara.