Trafikana taova

> Lehilahy hita faty, niala ny masony roa, tapaka ny tanany, tsy teo ny filahiany

  • Actualités
    Alakamisy 26 Desambra 2013

Lehilahy 32 taona monina ao Tsimenatse-I Ouest no hita faty tany Ankahiasy,7 km miala ny tanànan’i Toliara, ny atoandron’ny alatsinainy lasa teo, tokony ho tamin’ny 12 ora.

Novonoina tamin’ny fomba feno habibiana ity lehilahy ity. Tsy teo intsony ny masony roa fa nisy naka. Nahitana lavaka roa teo amin’ny lohany ambony fihirifany. Tsy teo intsony ny maha lehilahy azy. Nodidiana ny tanany roa. Raha izao no zohina hoy ny rahalahiny, Atoa Gérard Florent, nitafa tamin’ny mpanao gazety, dia ny taovan’ny rahalahiko mihitsy no nalainan’ireo mpanao trafikana taovan’olombelona.

Tsy vao izao no nisy tranga toy izao tao Toliara. Iray volana lasa izany dia nisy ihany koa lehilahy iray tsy hita ary tsy fantatra na maty na velona amin’izao. Manaitra ny sain’ny tompon’andraikitra ny havany maty mba tsy ho vitavita ho azy izao vono olona mahatsiravina izao. Marihina fa mpanao trano no asan’ity lehilahy hita faty ity ary ny alatsinainy 16 desambra izy no nanomboka tsy hita rehefa nandeha namonjy fampielezan-kevitra. Voalazan’ny havan’ny maty fa tao anatin’ny roa andro dia toa tratry ny fandaikiraikena ity ranamana ity ary toa tsy tompony tenany intsony. Omaly andro krismasy no nalevina ny razana izay efa simba tanteraka.

 

E.R

 

Tia Tanindrazana

Samia mijoro ho an'i Gasikara.


Ao amin’ity sokajy ity ihany : Actualités

  • Rajoharison Félix na Rainidina
  • Alarobia 13 Mey 2026

"Tsy maintsy esorina

  • Christine Razanamahasoa
  • Alarobia 13 Mey 2026

Notendrena amina andraikitra

  • Raobelina Andry
  • Alarobia 13 Mey 2026

Aza omena ny CENI ny.....

  • FIKAMBANAN'NY BEN'NY TANANA
  • Alarobia 13 Mey 2026

Mangataka fihaonana tsy misy

  • Raharaha adina an-tsoratra
  • Alarobia 13 Mey 2026

tao amin’ny ENMG «Niaiky ny adisoana

  • Ravelonanosy Solomon Clovis
  • Alarobia 13 Mey 2026

«Zava-dehibe ny

Hijery ny tohiny
FTT