Actualités

Toamasina Tsy nisy herinaratra omaly

Actualités
Alatsinainy 19 Desambra 2011

�Tsy vokatry ny fahasimban�ny fitaovana akory no tsy mampisy herinaratra androany (ndlr: omaly alahady), fa vokatry ny fanatsarana sy fanadiovana ary fanoloana ireo fitaovana ela niasana sy antitra�.

Izay no nambaran´ireo teknisianin´ny Jirama Toamasina raha nanazava ity fahatapahan´ny herinaratra tao Toamasina omaly nanomboka tamin´ny enina ora maraina hatramin´ny mitatao vovonana ity. Efa nisy rahateo ny fampahafantarana mialoha izany natao tamina haino aman-jery tao Toamasina. Efa ao anatin´ny vanim-potoan´ny rivodoza ihany koa isika izao ny fety koa ho avy, ka izay koa ny anton’ny fanatsarana ny vokatra omena ny mpanjifa.

Tsy misy atahorana ny delestazy raha ho an´i Toamasina hatreto, raha tsy hoe misy olana ny milina famokarana ao Tamatave IV sy ny any Volobe ary ny fanapariahana izany ao Tamatave III. Ny fahatapatapahana amin´ny herinaratra mitranga ao Toamasina araka ny fanazavan´ireo teknisianin’ny jirama azy hatrany, dia vokatry ny halatra tariby ataon´ny olona. Ankoatra izay, dia nanome toky ny Jirama Toamasina, fa hanao izay ho vitany izy ireo mba hamaly ny tinady ny tolotra omen’izy ireo amin’izao faran’ny taona izao.

Rakoutou