Actualités

Toamasina Tsy mampiraika ny mponina ny vary mora

Actualités
Talata 27 Septambra 2011

Tsy nahasarika ny mponina ny fivarotana ilay vary mora tao Toamasina nanomboka ny sabotsy teo, raha ny zava-nisy hita sy natrehina.

Tsy lany ny vary 1.800kg namidy isam-pokontany tamin’ireo Fokontany 26 nanombohana ny famarotana izany tao Toamasina. Anisan’ny nampatahotra ny mpanjifa, na efa nanaovana fihetsika ho fanamarihana aza teo am-panombohana ny fitaovam-pamarana nampiasaina. Efa be mantsy no tratran’ny tsy fahampian-danja nandritra ny fanaovana ny Tsena Mora nifarana ny volana mey teo ho an’i Toamasina. Raha ny fanadihadiana natao dia ny 50%-n’ny vary mora namidy no hany lafo amin’ny ankapobeny tao Toamasina. Nisy kosa ireo Fokontany izay zara raha nahalafo ny 20%-n’ny vary namidiny. Tao kosa ireo nahavita nanodidina ny 80%-n’ny vary mora saingy Fokontany 03 tamin’ireo 26 ihany, hany ka nomena avokoa na tsy mponin’ny Fokontany sy tsy mitondra ny karinem-pokontany aza.

Rakoutou