Actualités

Tetikasa Tramway Miakatra ny feo eny Ankorondrano Andrefana

Actualités
Alakamisy 15 Septambra 2011

Niala tamin�ny fahanginany ireo fianakaviana maro mety horavana trano amin�ny Ankorondrano Andrefana iny, amin�ny fanatanterahana ny tetikasa �tramway�, nampanantenain�i Andry Rajoelina.

Nivoaka ny trano ary nilanja sorabaventy maneho fanoherana ny fikasana hanala azy ireo amin’ny trano ireto fianakaviana am-polony maro ireto omaly antoandro. Hetsika fanairana ihany anefa no nataon’izy ireo taorian’ny taratasy misokatra nalefan’izy ireo tany amin’ny ministera samihafa izay tsy nahazoan’izy ireo valiny.

Nivoaka nandritra ny hetsika nataon’ny mponina omaly ity fa efa namidy tamin’ny Sinoa sy Karana ny toerana ka izay no hanesorana azy ireo, saingy toherin’izy ireo izany. Efa ampy ny nanesorana taloha 3 metatra tamin’ny andaniny avy amin’ny lalamby, hoy izy ireo. Ambaran’ireto mponina ireto koa fa any amin’ny 2km miala an’Ambohijanaka, no mety hametrahana azy ireo raha miala ao, ka tsy ekena satria misy fiantraikany amin’ny fianaran’ny ankizy sy ny asa fivelomana.

Nangonin’i Jean D.