Televiziona VIVA

> Manitsaka ny TVM ao Ambositra, tezitra ny vahoaka

  • Actualités
    Alakamisy 12 Desambra 2013

Gaga sy taitra ary tsy faly ny ankamaroan’ny vahoakan’Ambositra nanomboka ny talata 10 desambra teo fa mandeha tsy tapaka ny fahitalavitra VIVA avy aty Antanarivo.

Nanomboka hatramin’io andro io ka hatramin’izao dia tsy mahita ny TVM intsony ny vahoaka. Nahoana izahay no terena hijery an’io, hoy ny olona. Betsaka no sorena satria aleon’ny olona manaraka hatrany ny TVM misy ny vaovaon’ny kandida Dr Robinson Jean Louis toy izay ny an’ilay anankiray tohanan’ny filohan’ny tetezamita sy ireo kandida depiote miaraka aminy. Efa nisy andian’olona tao Ambositra nikaroka ny foibe mpanaparitaka io sarin’ny VIVA io nefa tsy nahita ka tao Antamponivinany misy ny foiben’ny RNM sy TVM no saika niharan’ny hatezeram-bahoaka. Mitaraina amin’ny fandehanan’ny VIVA ao Ambositra ny vahoaka any an-toerana fa tsy araka ny nieritreretan’ny mpandefa azy io izay hanafenana tanteraka ny fizotry ny fampielezan-kevitry ny Dokotera Robinson. Tsy fantatra izay hiverenan’ny TVM ao Ambositra satria araka ny nambaran’ny mpiasa iray ao dia tsy avy ao no mianga io sarin’ny VIVA io ary mandeha tsara fa tsy tonga any an-tokantranon’ny olona ny TVM. Efa sabôtazy pôlitika izao hoy ny maro ka ho hita eo ny voka-pifidianana amin’ny 20 desambra.

 

Rado

Tia Tanindrazana

Samia mijoro ho an'i Gasikara.


Ao amin’ity sokajy ity ihany : Actualités

  • Rajoharison Félix na Rainidina
  • Alarobia 13 Mey 2026

"Tsy maintsy esorina

  • Christine Razanamahasoa
  • Alarobia 13 Mey 2026

Notendrena amina andraikitra

  • Raobelina Andry
  • Alarobia 13 Mey 2026

Aza omena ny CENI ny.....

  • FIKAMBANAN'NY BEN'NY TANANA
  • Alarobia 13 Mey 2026

Mangataka fihaonana tsy misy

  • Raharaha adina an-tsoratra
  • Alarobia 13 Mey 2026

tao amin’ny ENMG «Niaiky ny adisoana

  • Ravelonanosy Solomon Clovis
  • Alarobia 13 Mey 2026

«Zava-dehibe ny

Hijery ny tohiny
FTT