Actualités

TAPATAPANY

Actualités
Alarobia 20 Novambra 2013

Ny zoma 22 novambra amin’ny 10 ora maraina no hotontosaina etsy Ambohidahy ny lanonana ara-pitsarana hanambarana ofisialy ny voka-pifidianana filoham-pirenena fihodinana voalohany notontosaina nanerana ny tanin’ny Repoblikan’i Madagasikara ny zoma 25 oktobra 2013 teo.

Namoaka rakitsary fahatelo i Tence Mena, nampitondrainy ny lohateny “Femme originale” ho fankaherezana ny vehivavy indrindra indrindra. Mirakitra hira folo ity rakikira omban-tsary vaovao ity, izay noketrehina hatramin’ny volana aprily. Antananarivo, Mahajanga, Nosy-Be eny hatrany Mayotte no nakana ireo sary nandrafetana azy.

Hitazona ny sarandalana ho 400Ar ny vondron’ny mpitatitra an-tanàn-dehibe na UCTU na eo aza ny fisondrotan’ny vidin-tsolika. Milaza ny hampihatra sarandalana tokana anefa izy ireo amin’ny taksibe, ka foana ny tapa-dalana.

Nirotsaka ny orana nanomboka ny alahady teo tamin’ny faritra maro teto Analamanga. Omaly dia ny folakandro no avy ny orana. Araka ny filazan’ny mpamantatra ny toetr’andro dia haharitra hatramin’ny zoma ny andro ratsy.