Actualités

TAPATAPANY

Actualités
Alatsinainy 11 Novambra 2013

Mitsingerina amin’ny 11 novambra 2013 ity ny faha-95 taona nifaranan’ny ady lehibe voalohany (1914-1918), antsoina hoe: «Armistice», rehefa resy tosiky ny tafika mitambatra ry zareo alemana. Nisy ny fanaovan-tsonia natao ny andron’ny 11 novambra 1918 ho mariky ny fitsaharan’ny ady. Isan-taona dia fanolorana mari-boninahitra sy fametrahana fehezam-bonikazo etsy amin’ny anjely mainty Anosy no manamarika ny 11 novambra eto Madagasikara.

Nofaranana tamin’ny fotoam-bavaka lehibe omaly alahady 10 novambra tao Fianarantsoa ny fankalazana ny faha-45 taonan’ny Fiangonan’i Jesoa Kristy eto Madagasikara. Tsiahivina ihany fa teny amin’ny kolejy teôlôjika Ivato no nanokafana ny taom-pankalazana, natao tany Toamasina ny ivon’ny fankalazana ary izao nofaranana tany Fianarantsoa izao.

Efa manana ny fotodrafitrasa hotanterahiny eny Anosipatrana ny kandida solombavambahoaka Antananarivo IV tarihin’ny Zanak’i Dada. Ao, ohatra ny fanamboarana ny lalankely mamakivaky ny tanàna ... Efa samy manana ny tetikasany koa ny faritra tsirairay.

Rabeso