Actualités

Saropody Tanjombato Feno trano mora vita amin�ny �sachet�

Actualités
Talata 07 Febroary 2012

Tsy niandry ny fanangonana ny vola hoenti-manana izany ireto fianakaviana maromaro eny amin’ny lalamby eny Saropody Tanjombato ireto fa niainga amin’ny zava-misy ry zareo dia ny fanangonana “sachet” maro loko ary nandrafitra ny trano mora ara-bakiteny ho azy ireo izay vita manontolo amin’ny “sachet” na ny fototra, na ny rindrina, na ny tafo sy izay rehetra ao anatiny. Tsy fantatra mazava aloha raha mba misoratra anarana eny anivon’ny Fokontany ho isan’ny mponina eny amin’ny fokontany izy ireo. Ny heno teny an-toerana dia ny tsy fananana asa noho ny krizy misy ankehitriny no nahatonga izao trangam-piainana mahazo an-dry zareo izao. Tsy te-hiaina amin’ny gidragidran’ny manampahefana ao an-drenivohitra ao koa, hoy ny feo heno, izy ireo ka naleony nitady toerana mangina sy azo iainana ary tsy misy mpanelingelina aloha hatramin’izao. Sady tsy tafiditra amin’ireo trano hazo horavana aloha ny azy ireo no tsy manelingelina fifamoivoizana sy mason’ny manampahefana ihany koa.

Manohy