Actualités

Raharaha Radion�ny Gasy Mety hovotsorana ireo voapanga anio

Actualités
Talata 20 Septambra 2011

Anio no hotontosaina eny amin’ny lapan’ny Fitsarana Anosy ny fotoam-pitsarana ireo olona voarohirohy tamin’ny rahahara Radion’ny Gasy. Misy amin’ireto olona ireto no mbola voasazy eny amin’ny fonjan’i Tsiafahy amin’izao fotoana izao. Ilay vehivavy Talen’ny sampana fitaizana zaza teny Ambohimitsimbina an’ny finoana Fjkm kosa dia efa nahazo fahafahana vonjimaika, andro vitsy lasa izay. Raha ny lojikan’ny fitsarana ireo raharaha rehetra nahakasika ireo olona mpanohana ny filoha Marc Ravalomanana nisesy tato ho ato, dia fahafahan’ireo voampanga no mety hiseho amin’ity anio ity. Efa nitranga izany tamin’ny raharaha Ralitera Andrianandraina. Amin’izay dia mody atao hoe efa miroso amin’ny famotsorana ireo gadra politika ny FAT. Ho hita eo izay hitranga anio.

Mohamed