Actualités

Partagé sur :
• facebook

Hatramin’ny omaly dia mbola notazonina tao amin’ny «violon» an’ny Commissariat Central Tsaralalana ilay «brigadier de police» izay voalaza fa nitazona ny vozon’akanjon’ny zanaky ny praiminisitra Camille Vital teny amin’ny seranam-piaramanidin’Ivato.

 Tsy mbola nanomboka kosa anefa ny fanadihadiana azy raha araka ny vaovao akaiky ny polisy. Etsy andanin’izany koa dia fantatra fa tsy faly ny polisy manoloana an’ity zava-nitranga ity satria amin’izy ireo dia midika ho fanaparam-pahefana ny zava-misy. Hatreto mantsy dia polisy nanao ny asany ara-dalàna io notazonina io. Ilay zanaky ny PM no nihoatra ny toerana tsy azo naleha ka tsy maintsy naverina.

Dia nisy ny fifamaliana, hany ka tonga tamin’ny fikasihan-tanana. Anisan’ny sarotra amin’ny fanatanterahana ny asan’ny mpitandro ny filaminana, indrindra tamin’ity fitondrana ity, ny fisian’ny ramatahora sy ny tsimatimanota toy izao. Ny fisian’ny olona milaza ho ambonin’ny lalàna anefa no tena mahatonga ny kolikoly sy ny trafika maro isan-karazany ho lasa mahazo vahana raha tsy hilaza afa tsy ireny fiaran’ny CST izay nitaterana vato sarobidy tratra tany Antsirabe ireny. Tao koa ilay fiara miaramila izay nitatitra vato ka nahafaty olona maro tany Farafangana na ny fiaram-panjakana “plaque rouge” itaterana toaka gasy avy any Ambositra any... Andrasana avokoa ny fanadihadiana ireny raharaha ireny. Asa raha mba ho tonga amin’ny fisamborana ilay mpikambana CST sy ny tomponandraikitry ny miaramila...

Samy

Tia Tanindrazana

Samia mijoro ho an'i Gasikara.