Actualités

Mpilanja sorabaventy tetsy Ivato 2.500 Ar isan�olona ny karama, nisy tsy nahazo

Actualités
Alakamisy 15 Septambra 2011

Raikitra ny fitadiavana vola madinika teny Ivato, omaly.

Nazava teo na tsy nohadihadiana aza fa nokaramaina ireo olona nilanja sorabaventy toy ny hoe “Ravalomanana assassin”, “Ravalomanana out ! … Rehefa nandeha mantsy ny fotoana dia nifamahofaho be ihany ny kaonty teo amin’ireo olona. Nisy efa tokony handeha kanefa tsy nisy madinika. 5.000 ariary ny an’ny olona roa, ka rehefa handeha ny iray dia mila pasahina ho 2.500 ariary izany io vola io. Ny olana dia sahirana vao nahita madinika, hany ka nipoitra ho azy ny lainga. Nisy koa ny tezitra fa tsy nahazo anjara ka dia nandrovitra ny sorabaventy nasaina nolanjainy, tamin-katezerana. Dia mbola toe-tsaina toa izany no iainana eto amintsika hatramin’izao. Politika faran’izay ambany sy efa nialan’ny tany mandroso hatry ny ela, kanefa mbola miroborobo eto Madagasikara…

Samy