Actualités

Marc Ravalomanana Nampahery ny fianakavian�i Njaka

Actualités
Alarobia 25 Janoary 2012

Niantso an-tariby nivantana avy any Afrika Atsimo, nampahery ny vady aman-janak�i Njaka Lalaina Rabemiarana, ilay raim-pianakaviana nandeha hitsena an�i Dada teny Ivato ny sabotsy 21 janoary saingy maty voan�ny vongana lakrimozena nalefan�ny Emmo-Reg teny an-dalana hamonjy fodiana, ny filoha Marc Ravalomanana omaly.

Ao anaty fivoriana tanteraka ity farany, araka ny fampiantsoana nataon’ny Troika-SADC taorian’ny nanakatonan’ny FAT ireo seranam-piaramanidina lehibe teto Madagasikara ka tsy nahafahan’ny fiaramanidina nitondra azy nipetraka teny Ivato. Mahatsiaro ho manana adidy tamin’ny nahalavo ity maherifo ity anefa izy ka nampahery ny fianakaviany, indrindra ilay mananontena sy ireo kamboty mianadahy kely, navelan’ny maty. Araka ny fantatra dia mpikambana anisan’ny mpanorina ny Vondron’olon-tsotra manohana ny filoha Marc Ravalomanana teny Ambondrona i Njaka. Anio no hametrahana ny nofo mangatsiakany eny amin’ny fasan-drazany eny avaradrano aorian’ny fotoam-pivavahana fisaorana an’Andriamanitra hatao etsy amin’ny Fjkm Ambondrona.
Nangonin’i Jean D.