Actualités

Maratra teny Mahamasina Ny loha, tratra, lamosina ary ny kibo no tena voa mafy

Actualités
Talata 28 Jona 2016

Mahatratra 23 isa hatramin�ny omaly ireo maratra mafy mbola tazonina etsy amin�ny hopitaly HJRA, hoy ny profesora Rakotoson Olivat Alison, lehiben�ity hopitalim-panjakana ity.

Ny telo amin’izany no vao nodidiana omaly maraina. Ankoatra ny lohan’izy ireo izay lasibatry ny fipoahana dia voa mafy ihany koa ny hazondamosiny, ny tratrany, ny kibony, ny masony, antony mahatonga azy ireo hiparitaka amina sampandraharaha miisa efatra samy hafa. Tafiditra ao anatin’ireo enina mbola arahi-maso akaiky ireo telo ireo. Nasiany resaka manokana tamin’izany ilay olona iray tsy maintsy hatao “scanner” izay nampanantenain’ny filoha fa horaisin’ny fanjakana an-tanana avokoa ny fitsaboana azy. Nambarany fa surveillance no hatao amin’io olona io ao amin’ny hopitaly iadidiany. Simba mantsy ny scanner an’ny hopitaly ka tsy maintsy any amin’ny hopitaly manara-penitra Andohatapenaka io marary iray io no karakaraina, tsy mandoa vola. Ho an’ireo telo efa voadidy kosa dia ny iray no tsy mbola nifoha hatramin’ny omaly maraina, ny iray mbola tazonina ao amin’ny efitrano fandidiana raha mbola teo an-dalam-pikarakarana ny iray. Nomarihiny manokana moa fa miisa telo ireo ankizy latsaky ny 15 taona lasibatra tamin’iny loza iny ka zazakely vao 14 volana teny an-trotroan-dreniny ny iray izay voa teo amin’ny tongony, raha zazalahikely 13 taona kosa ny roa ambiny.

Pati