Actualités

Leo faneriterena Hiteny amin'izay ny mpanao gazety

Actualités
Alakamisy 05 Janoary 2012

Hanatanteraka fivoriambe etsy amin'ny Institution Sainte Famille Mahamasina ny mpanao gazety ny tolakandron�ny sabotsy 07 janoary 2012 izao, araka ny fanapahan-kevitra taorian'ny fivoriana nataon'ireo mpikambana vonjimaika mitarika ny COPP na "comit� d�organisation provisoire de la presse� ny talata lasa teo.

Be loatra mantsy ireo tsindry sy faneriterena nahazo ny mpanao gazety tato ho ato, raha tsy hilaza afa tsy ny fanenjehana sy fiantsoana mpanao gazety teny amin'ny zandary farany teo. Natao tsinontsinona ihany koa ny zon'ny mpanao gazety tsirairay ary zary manapa-kevitra samirery amin'ny anaran'ny holafitra iray manontolo mihitsy ny tompon'andraikitra ankehitriny toy ny fananganana ilay komitin'ny etika, izay tsy nakana ny hevitry ny maro akory. Nahatsapa, araka izany, ireo ao anatin'ny COPP fa efa sangy mihoatra ny loha no atao amin'ny mpanao gazety ankehitriny. Nikarakara ity fivoriambe ity noho izany ireo mpikambana izay hiantsoana ny mpanao gazety tsy an-kanavaka na an-tsoratra na amin'ny haino aman-jery. Afaka haneho ny heviny ny tsirairay amin'io fotoana io.

Manohy