Actualités

Partagé sur :
• facebook

Nolanian’ireo depiote niisa 81 tonga nivory teny amin’ny Lapan’i Tsimbazaza tsy nisy nitsipaka ilay volavolan-dalàna laharana faha-024/2016 tamin’ny 15 jona 2016 momba ny LRF na Lalàna Fanitsiana ny Fitantanam-bolam-panjakana amin’ity taona 2016 ity.

 Fa nasian’ireo solombavambahoaka fanamarihana vitsivitsy ny fandrafetan’ny governemanta azy. Nandefa soso-kevitra maro ihany koa ho fanampin’izany ireo solombavambahoaka nandray fitenenana tamin’ity fivoriana ny hampitan’ny minisitry nytetibola sy fitantanam-bola, tonga nanatrika ny fivoriana, any amin’ny governemanta sy ny praiminisitra ny mba hijeren’izy ireo ny zava-misy marina amin’ny alalan’ny fifampiresahana amin’ireo depiote izay tena mahalala ny zava-misy sy maharary any amin’ny faritra misy azy vao mandrafitra itony volavolan-dalàna itony amin’ny manaraka. Nanipy teny somary mavaivay koa ireo depiote ny mba hijeren’ny fitondram-panjakana mahefa ny maharary ny fiainam-bahoaka amin’ny ankapobeny, toy ny resaka tsy fisian’ny fandriampahalemana, ny tsy fananana asa, ny fandoavana mivantana ny karaman’ireo ben’ny tanàna sy sefom-pokontany ary ny famoahana ny didy fampiharana ny CLD (tan-tsoroka ho amin’ny fampandrosoana ifotony) io ilay 200 tapitrisa ariary isaky ny distrika,  ny tokony mba hampitomboana ny tetibolan’ny minisiteran’ny kolontsaina, ny tokony mba hijerena maika ny resaka Jirama izay mbola tohanana volabe hatrany amin’ny 60 miliara ariary nefa azo hampiarahana amin’ny famokarana angovo azo havaozina samihafa. Nisy no novalian’ny minisitra Gervais Rakotoarimanana avy hatrany nefa nisy ihany koa ny nolazainy fa tsy ho tanteraka avy hatrany. Tamin’ny ankapobeny dia nahena avokoa ireo tetibola hampiasain’ny minisitera tsirairay avy na dia maro ihany aza ny notanana tsy nasiam-panovana ireo fandaniana mitana ny laharam-pahamehana.

NtsoavinaEvariste

Tia Tanindrazana

Samia mijoro ho an'i Gasikara.