Actualités

Kere any Atsimo Efa miha lefy ny fahasahiranana, hoy ny Bngrc

Actualités
Zoma 24 Jona 2016

Efa mihamalefaka ny fiantraikan�ny hain-tany mianjady amin�ireo mponina any Atsimo

amin’izao fotoana izao raha araka ny fanazavan’ny jeneraly Rambolarison Charles, sekretera mpanatanteraka lefitra eo anivon’ny birao nasionaly misahana ny loza voajanahary na ny BNGRC. Efa tsy misy intsony ireo mivaro-pananana mba hividianana sakafo toy ny teo aloha, noho ny fandraisana an-tanana manokana ireo tena sahirana ara-pivelomana. Ankoatra izay, efa manomboka mirotsaka ihany koa ny ranon’orana hahafahan’ireo tantsaha mikarakara ny fambolena sy ny fiompiana kely sahaniny. Na izany aza, tsy mionona fotsiny amin’izao izy ireo fa miezaka hatrany mitady vahaolana entina hanamaivanana ny fiantraikan’ny loza voajanahary amin’ny mpiara-belona. Tafiditra ao anatin’ireny ilay atrikasa notanterahin’izy ireo nanomboka omaly teny amin’ny foiben-toerany eny Antanimora, hiarahany amin’ireo mpiara-miombon’antoka maro toy ny PNUD, ny ONG maro isan-tsokajiny ary ireo teknisianina. Tanjona ny hahafahana mifampizara traikefa ho enti-manatsara hatrany ny asa tanterahin’izy ireo ho tombontsoan’ny besinimaro.

Pati