Actualités

Foibem-panadinana Antanimbarinandriana 34 ireo mpiadina Cepe tsy tonga

Actualités
Alarobia 06 Jolay 2016

Nahatratra 34 ireo mpiadina voasoratra anarana tsy tonga ho an�ny foibem-panadinana Antanimbarinandriana ahitana ny EPP sy ny CEG mitambatra omaly talata 5 jolay nanatanterahana ny fanadinana CEPE.

Tsy nisy ny olana manokana tamin’ny ankapobeny, hoy Ramatoa Adorson Lantomalala fa nizotra araka ny tokony ho izy ny fanadinana. Telo isaky ny efitranom-panadinana ireo mpiambina niandraikitra ny mpiadina izay fantatra fa tsy nisy banga na dia iray aza fa tonga avokoa. Hanomboka anio alarobia 6 jolay avy hatrany ny fitsarana ny fanadinana ary tsy hijanona raha tsy vita tanteraka. Logiciel vaovao manaraka ny toetrandro, fanomezana avy amin’ny minisiteran’ny fanabeazam-pirenena no hanatanterahana ny asa, antony mampihemotra ny fivoahan’ny voka-panadinana roa na telo andro aorian’ny herinandro mahazatra toy ny teo aloha. Tsiahivina moa fa nahatratra 1.892 ireo mpiadina voasoratra anarana ho an’ity foibem-panadinana iray ity raha mahatratra 467.859 izany manerana an’i Madagasikara niparitaka tamina foibem-panadinana miisa 762. Nampiavaka ny fiatrehana ny fanadinana tamin’ity taona ity ny fandrosoana ny fotoana 30 minitra mialoha niatrehan’ny mpianatra ny laza adina raha oharina tamin’ny mahazatra hatramin’izay.

Pati