Actualités

FINONA Hajao ny fiaviana ara-politika sy ara-paritra

Actualités
Alakamisy 10 Novambra 2011

Isaky ny misy zava-dehibe mitranga eto amin�ny firenena dia tsy tara mihitsy ny fikambanana FINONA maneho ny heviny.

Ao anatin’izao dinidinika fandraisan’ny praiminisitra ireo kandida atolotry ny vondrona sy ankolafy isan-tsokajiny amin’ny toeran’ny ministra izao dia namoaka toromarika momba izay fananganana ny governemanta izay ity fikambanana tarihin’ny pasitera Razafindramanitra Nestor ity. Voalazan’io fanambarana io fa araka ny andininy faha-5 ao anatin’ny tondrozotra dia “ny filohan’ny tetezamita no manendry ireo mambra ao amin’ny governemanta araka ny soso-kevitry ny praiminisitry ny marimaritra iraisana. Na izany aza dia tokony hotsinjaraina araka ny rariny sy ny hitsiny ny ministera amin’ny fanajana ny fiaviana ara-politika, ny fandraisana anjaran’ny lahy sy ny vavy ary ny fifandanjana isam-paritra. Ankoatra izay dia olona manaja ny soatovina Malagasy, indrindra ny fihavanana sy ny firaisankina ary ny fahamarinana, no mendrika hatao mpikambana governemanta”. Manainga ireo mpisehatra rehetra voakasiky ny tondrozotra koa ny FINONA hanaja ireo fepetra voalaza sy hitsinjo ny tombontsoan’ny Malagasy ho antoka hiverenana amin’ny rafitry ny lalàmpanorenana.

Yves