Actualités

Fikambanana Efajoro Hanampy ireo olona tsy mahay sy tsy an�asa eny Atsimondrano

Actualités
Talata 05 Jolay 2016

Taorian�ny fijerena akaiky ireo ankizy mpatory an-dalana eto an-drenivohitra, ny fanomezana fitaovana ireo ankizy hiatrika ny

fanadinana CEPE ao Toamasina dia hitodika amin’ireo olona mila fanampiana eny amin’ny Faritra Atsimondrano indray ny fikambanana Efajoro, tarihin’ny filohany Razafimandimby Rija Ethel manomboka amin’ity volana jolay ity. Voakasik’izany manokana ireo tsy mahay mamaky teny sy manoratra na lehibe na kely. Toraka izany koa ireo mahay ihany saingy mila tohana manokana amin’ny famolahana sy ny fampiasana ireo tenim-pirenena vahiny toy ny Frantsay ankoatra ireo tsy an’asa nefa tsy manana fahaizana manokana hahafahany mivelona. Hampidirina indrindra ao anatin’izao fialantsasatra lehibe izao ny fanomezana fiofanana azy ireny ka ny fikambanana avokoa no hiantoka ny lany rehetra. Ho an’ireo tsy an’asa manokana moa dia fantatra fa ny hahatonga azy ireny tsy ho vesatry ny fiarahamonina no tanjona hahafahana mamoha indray ireo karazana talenta ao anatiny toy ny fanamboarana taozavatra. Nisy ny fitsidihana notanterahin’ny mpikambana tao amin’ny seranan-tsambon’i Toamasina ny faran’ny herinandro teo nijery manokana ny olana mianjady amin’ny mpiasa.

Pati