Actualités

Partagé sur :
• facebook

Fitoriana miisa 12 nanomboka ny taona 2015 no ho mankaty no voarain’ny minisiteran’ny paositra sy ny fifandraisan-davitra mikasika ireny fananganana pylone etsy sy eroa eto amintsika ireny.

Faritra maro no voakasik’izany, anisany ny ao Fianarantsoa, Antsirabe…ankoatra ny eto Antananarivo sy ny manodidina izay tena maro an’isa tokoa. Nivoaka tamin’ny fahanginana omaly ny minisitera maromaro mivondrona ao anatin’ny Comité Ad’hoc  izay fantatra fa afaka mandray ny fitarainan’ny olona hahafahana mijery ny tena zava-misy marina. Anisan’ireny ny minisiteran’ny paositra sy ny fifandraisan-davitra, ny minisiteran’ny fahasalamam-bahoaka ary  ireo teknisianina sy manampahaizana maro. Niara-dalana tamin’ny OMS izy ireo izay nosoloan’ny dokotera Charlotte Ndate tena.   Nambaran’ity farany fa  efa an-taonany maro no nanaovan’ny OMS fanadihadiana sy fikarohana mikasika izany saingy tsy mbola misy fiantraikany mivantana amin’ny fahasalamam-bahoaka mihitsy ny « ondes electromagnetiques ». Ny any amin’ny 20 na 30 taona ho avy no tsy fantatra . Mitohy ny fikarohana.  Tsy tokony hisy hoy ny tale jeneraly iray   eo anivon’ny Ministeran’ny paositra sy ny fifandraisan-davitra ny filazana fahatany fa nisy olona marary vokatry ny fisian’ny pylone raha tsy  nahazo “certificat médical” manamarika izany avy any  amin’ny dokotera.  Nomarihin’izy ireo ihany koa fa  tsara kokoa ny fisiana pylone maro amina toerana iray toy izay tokana any amin’ny tsy hita maso nefa  manana tanjaka tsy hita pesimpesenina.

Pati

Tia Tanindrazana

Samia mijoro ho an'i Gasikara.