Actualités

Famonjana polisin�i Toliara Mandrahona hidina an-dalambe ny vahoaka

Actualités
Zoma 20 Janoary 2012

Mafanafana ny toe-draharaha ao Toliara toarian�ny nitanana am-ponja ireo polisy vavy niasa tany Toliara.

Voampanga ho anisan’ireo niray tendro tamin’ny famonoana ny mpitsara Rehavana Michel tamin’ny 09 desambra 2011 izy ireo. Hatreto dia polisy miisa 11 no voatana am-ponja, mikasika io raharaha io. Mampiaka-peo ny mponina any Toliara manoloana io famonjana io. Mandrahona hidina an-dalambe izy ireo, raha ny fanazavan’i Mahasambotse Tolojanahary Anselme, filohan’ny FAMIFA. Nambaran’ity farany fa polisy tsy tompon’antoka tamin’ny famonoana ilay mpitsara no ampidirina am-ponja, ary misy aza vao avy nodidiana, nivoaka ny hopitaly dia any am-ponja, raha ny fanazavany hatrany. Eto an-drenivohitra hatry ny omaly mitady fihaonana amin’ny mpitondra ity mpitarika fikambanana ity, hitadiavana vahaolana haingana. Tsy ho tana fa dia hidina an-dalambe hirotaka ny vahoaka any Toliara raha izao no mitohy, hoy hatrany i Anselme. Fiarovan-tsezan’ny minisitry ny filaminana anatiny, no mampiditra am-ponja ireo namany, ka takianay ny fialan’io tompon’andraikitra io, hoy ity filohan’ny FAMIFA ity.
Nangonin’i Jean D.