Actualités

Famokarana angovo Maty momoka ny ao Farahantsana ?

Actualités
Alakamisy 23 Jona 2016

Nahazo doka teny Tsimbazaza ny governemanta Mahafaly, nandritra ny fanaovan'ny governemanta tatitr'asa teo anatrehan�ny solombavambahoaka ny talata 21 jona, fa miasa ary mahazo vokatra.

Programan’asan’ny filoha no tanterahin’ny governemanta ary misy ny fitohizan’asa, ka raha ho an'ny Distrikan'Ambohidratrimo, fotsiny dia napetraky ny depiote Rabenirina Mamy, voafidy tao an-toerana, tamin’ny praiminisitra sy ireo mambra ny governemanta tandrify izany ny fanontaniana sady fampahatsiahivana, fa nahoana no tsy natomboka mihitsy ny fanohizana ny asa fanorenana tohodrano mamokatra angovo eny Farahantsana ? Ny Filohan'ny Repoblika mihitsy no nitarika ny lanonana fanohizana izany teny an-toerana, tamin'ny septambra 2014 ary tokony ho vita tamin'ny 31 martsa 2016 teo ny asa raha natao. Nampahatsiahivin’ity parlemantera Tiako i Madagasikara ity, teo anatrehan’ny governemanta ihany koa fa tsy mbola nanomboka ny asa fanamboarana ny lalana roa izay nomen'ny Filohan'ny Repoblika anarana hoe "Lalan'ny landy" (Mahitsy-Soavinimerina) sy "Lalan'ny atody" (Mahitsy-Antanetibe Mahazaza) fony izy nandalo tao Mahitsy tamin'ny taona 2015.

Nangonin’i Jean D.