Actualités

Daroka mpiasa teny Behoririka Nidoboka eny Antanimora ilay Sinoa

Actualités
Zoma 25 Novambra 2011

Omaly no natolotra ny Fampanoavana ilay teratany sinoa lahy iray nandratra ny mpiasany teny Behoririka. Tsy ela ny fanapahan-kevitry ny Fitsarana fa minitra no nisaina dia avy hatrany nilatsaka ny fanapahan-kevitra fampidirana am-ponja vonjimaika azy. Eny Antanimora izy no nalefa. Fantatra ihany koa fa tamin'ny famotorana ity Sinoa dia niaiky izy fa nikasi-tanana ilay mpiasany noho ity farany izay nolazainy fa nangalatra entana tao aminy. Na izany aza, nisy hatrany ny mpisolovava ilay teratany sinoa. Ilay mpiasa naratra no nitory azy tamin'ity raharaha ity. Efa nivoaka ny hopitaly ity farany kanefa mbola nitaraina fa tsy salama tsara. Nolazainy fa hitsaka sy vono no nahazo azy tamin'ny talata io ka any amin'ny tratrany any no itarainany marary azy.
Solonirina