Constant Raveloson

Partagé sur :
• facebook

Mitarika ny lisitra laharana faha-15 hofidiana depiote ao Antananarivo faha-5 i Constant Raveloson. Anisan’ny namaky lay ny hetsi-bahoaka izy raha vao niseho lany ny fanongam-panjakana 2009.

Nanazatra tsy tapaka ny mpiara-mitolona ihany koa hahay mijery mazava sy mitraka matanjaka, indrindra rehefa tojo ny sarotra sy ny hotakotaka izy ary mampita hafatra hoentin’ny vahoaka miatrika ady. “Contre-pepo” izany. Nitondra faisana tamin’ny nataon’ny mpandroba fanjakana i Madagasikara nandritra ny 5 taona. Fotoana hanasitranana an’izany amin’ny fomba demokratika izao ary manana ny anjara birikiko ho amin’izany aho, hoy i Constant. Maika amiko sy ny mpiray lisitra amiko, hoy ity farany, ny fanjakana handamina ny firenena ho marin-toerana ka sehatra hitanay fa hahavitana izany ny ao amin’ny fahefàna mpanao lalàna. Ny anay dia fanjakana no resaka amin’ny Prezidà Ravalomanana. Tonga nanotrona anay ny minisitra Ravatomanga Rolland rehefa nanao tomban’ezaky ny herinandro voalohan’ny fampielezan-kevitra izahay. Nambarany mazava fa “ny ahazoana depiote maro an’isa no tanjona mba hahamarin-toerana ny fitondrantsika”. Nambaran’ny minisitra am-pahibemaso fa manohana ary mampirisika tanteraka ny fandraisanay andraikitra ny filoha Marc Ravalomanana mivady. Nanamafy an’izany ny tolo-tanana avy amin’ny filoha Ravalomanana, toy ny fitaovana hampiasaina mandritra ny propagandy ary izy mihitsy no mandray fitenenana manolotra ahy mivantana. Satria ho depioten’i Madagasikara izahay ato anaty lisitra faha-15 rehefa homen’Antananarivo faha-5 ny fahefana. Tsotra be ny anay, hoy i Constant Raveloson : Prezidà = Jean Louis Robinson lah-33 ; Depiote = Jean Constant Raveloson lah-15.

RHR

Tia Tanindrazana

Samia mijoro ho an'i Gasikara.