Actualités

Botozaza Pierrot Nitety boriborintany nizara fanampiana

Actualités
Alatsinainy 13 Febroary 2012

Ankoatra ny fizarana fanampiana dia nanolotra omby iray isaky ny Boroborintany hanaovan�ny vahoaka fety noho ny taona vaovao ny praiminisitra lefitra, Botozaza Pierrot, ny sabotsy teo.

Niara-dia taminy ny talen´ny kabinetrany, izay lehiben´ny Faritra Atsinanana teo aloha, Andriamorasata Julien, nihaino ny hetaheta sy ny fangatahan´ny isam-pokontany. Ny voalohany dia ny tsy fisian´ny filaminana, ny faharoa dia ny tambin-karaman´ny fokontany izay angatahan´izy ireo ny hampitomboana azy araka ny fampiakarana ny karaman´ny mpiasam-panjakana, sy ny handoavana azy isam-bolana. Nilaza ny hitondra ny fangatahana eo anatrehan´ny filankevitry ny governemanta i Botozaza Pierrot.

Ny fahatelo dia mikasika ny fanarenana ireo Boriborintany, izay efa simba avokoa ireo trano fiasany, ary ny fanampiana ara-pitaovana samy hafa. Miandry ny tentim-bidin´ny asa ny praiminisitra lefitra mikasika izany. Ankoatra izay dia hita taratra tamin´izao dian´i Botozaza Pierrot tao Toamasina izao, ny antsojay politika sy ny teny midina ara-politika avy any ambony any, mibaiko ireo tompon´andraikitra sy ny ramatahora samy hafa, nefa lazaina fa fiaraha-mitantana no misy. Samy nahazo izany avokoa ireo lehiben´ny fokontany sy ny boriborintany tsy hiatrika ny hetsika rehetra, nefa teo ihany ny ireo tsy voasakana, ao kosa ireo natahotra ka namorona aretina ho azy.

Rakoutou