Actualités

Antananarivo renivohitra Zazalahy 1.200 hoforaina maimaimpoana

Actualités
Alarobia 06 Jolay 2016

Zazalahikely miisa 1.200 no hoforana maimaimpoana mandritra ny roa volana ho an�ny kaominina Antananarivo Renivohitra. Nanomboka omaly talata 5 jolay ny hetsika teny amin�ny BMH Isotry.

Zazalahikely manodidina ny 50 mahery no nahazo tombontsoa ho an’ny Boriborintany fahefatra. Nisolotena ny Ben’ny tanànan’Antananarivo Lalao Ravalomanana ny Lefitra Fahatelon’ny Ben’ny tanàna Patrick Ramiaramanana. Notsindriany manokana fa asa fanasoavana ny mpiara-belona hanamaivanana ny fahasahiranana ara-tsosialy avy amin-dRamatoa Lalao Ravalomanana, amin’ny maha renim-pianakaviana azy izao tanterahina izao. Nisy koa ny kilalao samihafa sy akanjo malabary natolotra ny zaza vita fora. Mpiara-miombon’antoka amin’ny Fiadidiana ny tanànan’Antananarivo amin’izao hetsika izao ny “Handicap International”, ary mpiara-miasa kosa ireo mpitsabo avy ao amin’ny Departemantan’ny Asa Sosialy sy Fahasalamana. Tsiahivina moa fa voakasik’ity hetsika famorana faobe ity avokoa ny Boriborintany enina eto an-drenivohitra.

Pati