Actualités

Partagé sur :
• facebook

Tsy nanadino ny andro maneran-tany ho an´ny tanora olom-pirenena mandray andraikitra, antony nananganana ny “Jeune Chambre International (JCI)”, ireo tanora mpikambana eo anivon´ny JCI Toamasina.

 Ny 11 desambra 1944 mantsy no nananganana voalohany ny JCI tany Etats-Unis noho ny fahatsapana fa ilaina eo amin´ny fampandrosoana ny firenena sy izao tontolo izao ny tanora, ka firenena valo eran-tany no nanangana izany voalohany. Efa mahazo vahana eto amintsika ihany koa ity fikambanana tanora mpandray andraikitra ara-piarahamonina sy fanampiana ny tanora ity, ka tamin´izao fankalazana ny andro eran-tany ny JCI izao, izay nankalazaina tao Toamasina ny sabotsy 10 desambra teo tao amin´ny efitrano malalaky ny Faritra Atsinanana, dia ny fampianarana ny kolontsainam-pivarotana sy traikefa mikasika ny fandrindran´asa ary fomba fitantanana tsotra orinasa madinika no nampitaina tamin´ireo tanora tonga, izay saika avy amin´ny oniversite miankina sy tsy miankina amin´ny fanjakana ny ankamaroany. Ny banky BFV sy ny Orange Madagascar ary ny Entreprendre à Madagascar no nanao ny fampitana ny tsara ho fantatra rehetra ho an´ireo tanora tonga, nandray anjara goavana koa ireo tanoran´ny JCI Toamasina.

Nisy koa ny fampirantiana natao, ka tranoheva 05 no nandray anjara, nahitana ny tetikasa Ambatovy, ny orange Madagascar, ny Arian Tourism, ny JCI ary ny Entreprendre à Madagascar. Niatrika ny lanonana ny lehiben´ny Faritra Atsinanana Mahavimbina Alain, ny filoha faha-24 ny JCI Rabenjarijaona Angelo, ny senateran’ny JCI Toamasina sady CST ihany koa Me Rasamimaka Mahefalahy ary ireo mpikambana ny JCI Toamasina.
Rakoutou

Tia Tanindrazana

Samia mijoro ho an'i Gasikara.