Actualités

Analakely - Soarano Mpanendaka efa-dahy saron�ny mpitandro ny filaminana

Actualités
Zoma 24 Jona 2016

Maro ny fitarainana voarain�ny polisy avy ao amin�ny boriborintany Voalohany etsy Analakely amin�izao ankatoky ny fetim-pirenena izao.

Lohalaharana amin’izany ny fanendahana sy harom-paosy izay tena mahazo vahana tokoa, indrindra fa amin’ny hariva. Nandray ny andraikiny avy hatrany ny mpitandro ny fahalemana ka nandefa polisy manao fanamiana sivily teny an-toerana. Vokany, efa-dahy efa tena ikoizana amin’ny fanendahana sy harom-paosy no voasambotra teo am-panaovana ny asa ratsiny teny Analakely sy Soarano ny 21 sy ny 22 jona lasa teo. Tamin’ny fanadihadiana natao azy ireo no nahalalana fa efa ela ry zalahy no nanao izao asa ratsy izao ary efa nigadra matetika teny Antanimora. Nilaza ihany koa izy ireo fa amin’izao mahabetsaka ny mpivezivezy eny Analakely izao no tena fanararaotany manendaka sy mangarom-paosy. Natolotra ny Fampanoavana omaly Alakamisy izy ireo.

Pati