Actualités

Ambohimangakely Asio �pont Bailey� fa aza jerem-potsiny !

Actualités
Alatsinainy 20 Febroary 2012

Manomboka mampiaka-peo ny mponina eny Ambohimangakely eny amin�ny fitarazohan�ny asa fanarenana ny tetezana izay nihotsaka vokatry ny ranobe nentin�ny rivodoza Giovanna farany teo.

Voatery mihodina any Ankadindratombo dia mahazo an’ny By-pass na mankany Manankavaly ny fiara, vokatr’io fahatapahana io. Raha tapaka ny tetezana teny Ambohimanambola dia tsy nisy 48ora akory, tamin’ny andron’i Dada, dia voatsangana ny tetezam-by namerenana tamin’ny laoniny ny fifamoivoizana, ity eo Ambohimangakely ity anefa dia sady be mpampiasa no lalam-pirenena faha-2 rahateo nefa toa jerem-potsiny, hoy ny fanakianan’ny mpampiasa lalana amin’iny faritra iny. Asio «pont Bailey» fa sahirana izahay, hoy ny antsoantso avy eny an-toerana. Raisin’izy ireo ho fanesoana ny fihazakazahan’ny mpitrondra mitokana tetezana any Mahajamba, nefa ny tetezana, eto ambany maso, izay be mampiasa tokoa toa jerem-potsiny.
Jean D.