Actualités

Ambohimamory Tratra ilay tovolahy mpamaky fiara

Actualités
Zoma 08 Jolay 2016

Voasambotry ny polisy miasa ao amin�ny paositry ny polisy Loharanombato tao Ambohimamory ny 6 jolay 2016 lasa teo, tokony ho tamin�ny 10 ora maraina, ny tovolahy iray mpamaky fiara.

Tratra teo am-panaovana ny asa ratsiny ity lehilahy ity. 26 taona izy. Andry no anarany raha tsy fantatra mazava kosa ny toerana ipetrahany. Mbola nahitana ireo kojakoja fanolo amin’ny fiara tao anaty entany, miampy ireo fitaovam-piasana momba ny fiara maromaro. Tamin’ny fanadihadihana natao taminy dia niaiky ny helony izy. Nilaza izy fa nangalatra ary nilaza fa vao tera-bao ny vadiny ka izay no nahatonga azy nangalatra ireo kojakoja ireo raha foto-pivelomany kosa ny mivarotra sambos izay efa tsy maharaka intsony. Eny amin’ny faritra Ampitatafika sy Avarabohitra no toerana fanaovany halatra amin’ny fiara. Natolotra ny fampanoavana omaly ny lehilahy.

Pati