Actualités

Ambatondrazaka Mirongatra indray ny harom-paosy

Actualités
Talata 05 Jolay 2016

Ireo mpiantsena avy any ambanivohitra no lasibatry ny asa ratsin�ny tontakely.

Efa tambajotra mihitsy izy ireo rehefa hanao ratsy. Misy ny mijery ny manodidina, ao indray ny manatanteraka ny asa ratsy ary ny sasany mamily lalana ireo mpanenjika ilay mpangarom-paosy raha sendra misy fifanenjahana. Ny faran’ny herinandro teo dia olona roa samy hafa no voarom-paosy tao amin’ny ts’nan'Ambatondrazaka. Avy nivarotra vary izy ireo ary saika hividy entana hoentina mody any an-tanàna kinanjo sendra olon-dratsy. Nisy nahatsikaritra ireto mpanao ratsy ka nanamora ny fisamborana azy ireo. Fantatra fa ny andro alakamisy sy sabotsy no tena mahabe mpangarom-paosy ao amin’ny tsenan’Ambatondrazaka. Mila mametraka paikady vaovao ny mpitandro ny filaminana raha tiana ny hiala amin’ny tsy fandriampahalemana.

Niry A