Politique

Zanak�i Dada Miandry an-dry Fetison eny an-kianja

Politique
Alarobia 09 Febroary 2011

Nampahatsiahy indray ny mpitolona tao amin’ny Magro Behoririka, omaly talata 8 febroary 2011, ny mpitari-tolona Olivier Rakotovazaha fa “tsy miala amin’ny fototra niaingana isika dia ny fikatsahana ny tetezamita tena izy, fivoahan’ny gadra politika rehetra, fiverenana ny Filoha lany ara-pomba demokratika roalahy an-tanindrazana”. Fanaovana z’inona ny vahoaka masimandidy ny fanomezana fahefana ny mpanongam-pajankana ary fahafaham-baraka ho an’ny tafika ny nahamay ny fananam-pirenena toy ny TVM sy RNM ary ny Lapa satria Repoblika i Madagasikara ka tokony ho narovana ireny fa taratry ny fiandrianam-pirenena, hoy izy.

Saika niompana tamin’ny fampitam-baovaon’ny zava-nisy teny amin’ny fitsarana Anosy omaly maraina kosa ny ankabeazan’ny hafatra sisa. “Am-pahendrena sy am-pitiavana no hijoroantsika eny Anosy rahampitso (anio alarobia) amin’ny fivoahan’ny didim-pitsarana ary enga anie hikabary eto Behoririka ry Fetison rahampitso”, hoy ny Depiote Rodin. Nanamafy ary nisaotra ny fahendrena nasehon’ny vahoaka teny Anosy ny Depiote Mektoub.

Manohy