Politique

Virapin Ramamonjisoa Malahelo toerana

Politique
Talata 26 Aprily 2011

«Tsy mampaninona anay ny niala raha toa ka izay no hitondra vahaolana. Fantatray fa izahay tsy anaty fikambanana politika dia tsy maintsy mandefitra». Ny minisitry ny FAT teo aloha misahana ny fanatanjahantena no nilaza izany nanoloana ny mpanao gazety. Teny mifono karazana alahelo toerana ihany raha dinihina. Ankoatra izay dia mbola nampian’ity minisitra teo aloha ity fa dia «mila mihetsika io governemanta io», hoy izy.

«Tamin’ny andronay manko dia natory fotsiny fa tsy nomena andraikitra politika fa amin’izao dia governemanta politisianina», hoy ihany i Virapin Ramamonjisoa. Nanambara ny tenany fa dia hilalao politika amin’izay ny lehilahy manomboka eto. Noho izany dia milaza ny handray anjara amin’izay fifidianana rehetra hatao eto amintsika ny Virap’Un Group, ary mitetika toerana depiote 20 amin’ny fifidianana ho avy.

Nangonin’i Soa