Politique

Sori-dalana Ho raharahan�ny samy FAT

Politique
Alatsinainy 21 Febroary 2011

Hanova zavatra betsaka eo amin’ny fizotry ny famahana ny krizy eto Madagasikara ny tsy namelan’ny FAT ny filoha Marc Ravalomanana hiverina an-tanindrazana, na ny mpitondra ankehitriny izao aza, hatramin’ny nitsarana kimaimaika ny raharaha “7 febroary”, no nitady ny fiverenany, ary mbola nohamafisin’i Hippolyte Ramaroson, ministry ny raharaham-bahiny, amin’ny hoe avelao izy hiverina fa betsaka koa ny fanontaniana miandry azy. Raha izao no fisehony dia raharahan-tokantranon’ny samy mpanohana ny FAT no hiafaran’ilay sori-dalana heverin-dry Chissano sy Simao fa hivoahana amin’izao krizy izao.

Ireo antoko tao anatin’ny Herin’ny Fanovana, ka nandrafitra ny Ankolafy Rajoelina, miampy ireo mpijapy lamasinina sisa no hanao sonia io sori-dalana io. Ny Arema Ratsirakistes koa dia fantatra fa tsy hamela an’i Pierrot Rajaonarivelo, hanao sonia amin’ny anaran’ny Arema izany sori-dalana izany. Tsy manome tso-drano, ny amiraly Ratsiraka, filoha mpanorina ny antoko. Ny tariky ny Pr Zafy moa efa nitsipaka azy iny rahateo.

Jean D.