Politique

Serasera Roa taona ny tranonkala zanak'i Dada

Politique
Alarobia 30 Martsa 2011

Ny 23 martsa 2009 no nahita masoandro voalohany ny tranonkala www.manara-dalana.webs.com nifaneraseran’ny zanak’i Dada. I ’Lay Mahintsy, Malagasy mpila ravinahitra tany Canada tany no tompon-kevitra sy nanam-piniavana tamin’izy ity, izay nataony indrindra hifampitaizana, hifampizaram-baovao, hifankaherezana, ary sehatra iray hilazana ny hevitry ny tsirairay, indrindra fa hilazana eo imason’izao tontolo izao fa fitondrana azo tamin’ny vonoan’olona sy fandrobana izao fitondrana misy izao. Maro tsy tambo isaina ireo mpitsidika sy ireo naneho ny heviny tao nandritr’izay roa taona izay.

Mahatratra 298 200 ny isan’ireo mpitsidika hatramin’ny ora hanoratanay, ary manana namana mpankafy 80 000 mahery ao amin’ny facebook, 50 000 ao amin’ny twitter, ary saika tamin’ny alalan’izany tranonkala izany no nahalalan’ireo Malagasy namana monina sy miasa any ivelany ny vaovao miseho eto Madagasikara. Nanamafy ’Lay Mahintsy fa tsy hijanona ny tsy hilaza vaovao izy hampandresena ny tolona atao ao anaty net, mba hiverenan’ny ara-dalàna eto Madagasikara, na dia maro aza ireo fandrahonana, ary nilokalokany fa tsy hitsahatra izany mandra-piverin’i Dada eto an-tanindrazana mba hanandratra indray an’i Madagasikara eo amin’ny toerana tena misy azy.

Nangonin’i Jean D.