Politique

Partagé sur :
• facebook

Mifamahofaho tanteraka ny raharaha Riana Andriamandavy VII, izay voalaza fa enjehin’ny lalàna noho ny fihetsika tsy ara-dalàna nataony dia ny fitarihana andian’olona hikomy sy hitora-bato teny amin’ny Bianco

, fanakanana ny avy eo anivon’ny Sendikan’ny Mpitsara (SMM) tsy hanao fanamarinana ny maha tao amin’ny hopitaly HJRA na tsia an-dRamatoa Claudine Razaimamonjy... Efa nivoaka mihitsy ny resaka fa nanaovana fampiantsoana teny anivon’ny zandary ny tenany saingy nitsoaka any Guangzhou Chine. Nandiso izany anefa ny teo anivon’ny zandarimaria. Nilaza kosa ny filohan’ny Antenimierandoholona Honoré Rakotomanana fa efa mahafantatra izy ireo fa nisy taratasin’ady araka ny fantatray sy henonay nalefa tany amin’ny zandarimariam-pirenena, hoy izy afak’omaly. Anjaranareo no manontany any amin’ny fitsarana na any amin’ny zandarimariam-pirenena, hoy ity tompon’andraikitra, izay hita ho mitandrina mafy, ka sady tsy nandiso no tsy nanamarina. Rehefa nanontaniana tamin’ny alalan’ny antso an-tariby kosa ny teo anivon’ny zandarimariam-pirenena tamin’ny alalan’ny jeneraly Florens Rakotomahanina omaly, dia nilaza fa tsy misy izany taratasy fampiantsoana ny senatera Riana izany.

Hivadika ?

Mahalala amin’ny antsipirihany ny aty vilanin’ny filoham-pirenena sy ny afera maizin’ny olona maro ao anaty fitondrana ve ity loholona ity, ka manao fitaovana izany mba hiarovan-tena ? Tsapa ho tsy matahotra na iza na iza izy ary toa tsy miasa saina akory tamin’ny zavatra nataony teny amin’ny foiben’ny Bianco sy ny vavabe navoakany.Sa ve tonga tokoa ny tsosori-mamba isarahana ka hivadika tanteraka amin’izay ny Senatera Riana tahaka ny efa nivadihany tamin-dRavalomanana ihany ? Maro no mahita fa hanova zavatra betsaka ny raharaha Claudine A&C ka anisan’izany ny fifandraisana eo amin’ny samy HVM sy mpiara-dia amin’ny filohampirenena satria nampizara hevitra ity raharaha iray ity.

Toky R

Tia Tanindrazana

Samia mijoro ho an'i Gasikara.