Politique

Samihary Floriot Vonona hianto-tena ho any Botswana ny TAMAMI

Politique
Talata 24 Mey 2011

Tsy mahasolotena anay ny vondrona 11 hofidiana ho any Gaborone Botswana, araka ny fangatahan�ny SADC, hoy ny mpikambana ao amin�ny Kongresin�ny tetezamita Samihary Floriot sady filoha nasionalin�ny TAMAMI.

Aminay dia ireo rehetra nanao sonia an’ilay sori-dalana teny Ivato nahitana filohana antoko sy fikambanana samihafa niisa hatrany amin’ny 400 no mandray anjara. Raha nahasolotena ireo tsy tokony ho niantso anay nanao iny rangopohy teny Ivato iny mihitsy. Tsy mena-mitaha amin’izany lazaina fa antoko lehibe izany ny TAMAMI, hoy ihany ny filohany, raha ny zava-bita tao anatin’ity tetezamita ity izay no asian-teny. Anisan’ny nanome sary tsara ny fitondrana tetezamita izahay raha ny fanomezan-tanana natao ho an’ny mpiara-belona nandritra izay roa taona mahery izay no asian-teny. Satria raharaham-pirenena no atrehana, hoy izy nanohy ny teniny, dia tokony hitondra ny anjara birikiny ireo rehetra nanao sonia iny sori-dalana SADC iny ary vonona amin’izany ny TAMAMI na dia hianto-tena aza ho any Gaborone raha resa-bola no olana amin’ny fankanesana any. Mbola miandry fanazavana matotra sy hentitra ary mazava kokoa mikasika ity raharaha ity ry zareo TAMAMI, araka ny filazan’i Samihary Floriot ihany.

Manohy