Politique

Ravalomanana tany Ambatondrazaka Nanamafy fa hitsipaka iny sori-dalan�i Simao iny ny SADC

Politique
Talata 10 Mey 2011

Nandritra ny fotoam-bavaka ho an�ny firenena notontosain�ireo Vondron�olon-tsotra any Ambatondrazaka ny sabotsy 07 mey teo no nanambara tamin�ny alalan�ny antso an-tariby ny filoha Marc Ravalomanana fa ny fanapahan-kevitry ny vondrona SADC amin�ny 20 mey izao dia hanamafy ny tsy fankatoavana ilay sori-dalana nataon�i Simao koa miangavy ny Malagasy rehetra izy hitondra am-bavaka izany.

Nohamafisiny fa tsy maintsy hody eto Madagasikara izy ka hitondra voan-dalana mahasoa ny Malagasy rehetra. Amin’izay fotoana izay, hoy izy, dia “hiaraka hikatsaka izay hampandroso ny firenentsika isika, koa miraisa hina dieny izao !”. Nohamafisiny ny ho filatsahany hofidiana filoham-pirenena mba ho fanasoavana ny mpiray tanindrazana. Nialoha ny fidirana an-tariby mivantana nataon’ny filoha Marc Ravalomanana dia nisy ny fotoam-pivavahana fohy notarihan’ny mpitandrina Randriamalalaharisoa Jules, izay namoaboasany ny hevitra fonosin’ny hiram-pirenena Malagasy. Nambarany fa mila olona manana toe-tsaina vonona hanompo tanindrazana ny firenentsika ary tokony hifamela heloka ny Malagasy rehetra. Nahavelombolo ireo mpomba ny filoha Marc Ravalomanana any Alaotra ny fisian’ilay fotoam-bavaka ho an’ny firenena nokarakarain’ny Vondron’olontsotra tao Ambatondrazaka, indrindra ny nahenoana indray ny feon’ny filoha Marc Ravalomanana.

Niry A.