Politique

Ratsiraka Didier Afaka manao fanohanana ny vesatra iampangana azy

Politique
Zoma 10 Jona 2011

Samy tsy mametraka olana amin’ny fiverenan’ny filoha teo aloha Ratsiraka Didier an-tanindrazana avokoa ireo ankolafy sy vondrona politika tany Gaborone ary nanamafy izany koa Rajoelina nandritra ny valandresaka nataony teny amin’ny seranam-piaramanidina Ivato. Mbola misy anefa ny vesatra iampangana ny amiraly noho ny raharaha 2002 izay mety ho sakana amin’ny fahafahany miaina ankalalahana indray eto amin’ny firenena. Nanamarika ny lehiben’ny Fampanoavana eo anivon’ny fitsarana ambony eto Antananarivo, Ranary Rakotonavalona fa tsy mihatra ny didy manenjika ny voampanga raha tsy efa tapitra avokoa ny zo ahafahany miaro tena. «Afaka manao fanohanana ny didim-pitsarana manameloka azy izy satria tsy teto an-toerana tamin’ny fotoam-pitsarana azy. Afaka manao toy izany koa ny filoha teo aloha Ravalomanana». Raha resy lahatra ny fitsarana amin’izay fotoana izay fa tena madio eo anatrehan’ny lalàna sy ny raharaha iampangana azy izy ireo dia miova ny didim-pitsarana izay mety hanafaka azy ireo madiodio araka ny fanazavan’ny lehiben’ny fampanoavana hatrany.

Yves