Politique

Rahelisoa Alphine �Eto izahay mandra-piverin�ny ara-dal�na�

Politique
Zoma 25 Febroary 2011

Tsy reraky ny tolona ny vehivavy legalista toa an-dRtoa Rahelisoa Alphine avy eny Alasora fa manatrika tsy tapaka ny hetsika an-kianja hatreny Ambohijatovo ka hatreny Ankorondrano sy Behoririka tato anatin’ny roa taona izay. “Ny vehivavy no mahatsapa ny ngidin’ny fiainana satria izy no mikarakara ny tokantrano”, hoy izy. “Mahatsapa ny tsy mety eto amin’ny firenena izahay no mahatonga anay ho lohalaharana hatrany amin’ny tolona. Mba miezaka mampiana-janaka ny tena hahatafita azy ireo nefa toy ny mpanao afera indray no manjakazaka sy tonga lavitra”. “Mandeha ny tsaho hoe : tsy manan-katao izahay tonga miatrika ny tolona an-kianja isan’andro”, hoy ity vehivavy legalista ity. Diso izany fa manao ny asa andavanandro izahay vao mamonjy ny eny an-kianja nefa na dia miezaka mafy aza ny olona tsy manam-bola. Ka rehefa ny manodidina no tra-pahasahiranana dia miantraika amin’ny rehetra izany. Koa mandra-piverin’ny ara-dalàna sy ny fiverenan’ny Filoha Marc Ravalomanana dia ho eo foana izahay vehivavy”, hoy izy.

Manohy