Politique

Partagé sur :
• facebook

Mbola naneho ny faniriany hanome lanja bebe kokoa ny kolontsaina Malagasy ny Printsy vavy Yasmine avy any Besalampy tamin’ny filazana fa laharam-pahamehana ho azy amin’izao fotoana izao ankoatra ny famonjena ny fivoriana ara-potoana ny Kongresin’ny tetezamita eny Tsimbazaza eny, ny fanatsarana ny doany Manongà Tsinjoarivo Besalampy izay efa tena tranainy tokoa na ny varavarana ao aminy na ny vala mena.

 Laharam-pahamehana iray hafa ho azy koa ny resaka famatsian-jiron’ny Jirama any amin’ity toerana niaviany ity fa mbola miantehatra amin’ny sambo sy ny botry ny fitaterana ny solika mampandeha ny milina ao aminy ao ka mampanahirana be ny mponina any an-toerana. Nambarany fa tsy ny ady politika tsy akory no hampandroso ny Faritra Melaky misy an’i Besalampy ka mbola laharam-pahamehana hafa ankoatra ireo voalaza ireo ny fahavitan’ny lalana any amin’iny faritra iny, miainga eto Antananarivo mihazo an’i Tsiroanomandidy, Maintirano, Katsepy mipaka hatrany Besalampy. Mbola nasian’ity Printsy vavy ity resaka ihany koa ny amin’ny tsy fitovian-kevitra miseho lany eo amin-dry zareo samy Ampanjaka isan-tokony izay ambarany fa efa hatramin’ny ela io tsy fitovian-kevitra io satria samy te ho lohany avokoa ny rehetra dia mifampitsikera sy mifamingampingana eo. Rehefa sefo mantsy, hoy izy, dia mahazo tombontsoa manokana amin’izay mahasefo azy izay, ka aleo mipetrapetraka, hoy ny Printsy vavy Yasmine. Izahay Ampanjaka itony mantsy dia tokony ho modely eo amin’ny fiarahamonina, hoy izy.

Manohy

Tia Tanindrazana

Samia mijoro ho an'i Gasikara.