Politique

Printsy Elakovelo �Tsy manaiky hosoka ny Fianakaviambe iraisam-pirenena�

Politique
Alatsinainy 04 Aprily 2011

Manao ranolava ny fanehoan-kevitra manodidina ilay fehin-kevitry ny Troika SADC nivory tany Livingstone Zambia ny 31 martsa teo, nandinihana ny raharaha Madagasikara.

Tsiahivina fa nanamafy ny fehin-kevitra noraisiny tamin’ny 30 martsa 2009 ny Troika, manameloka ny fakana fahefana ivelan’ny lalàmpanorenana, tsy mankato ny fitondran-dRajoelina ary miantso ny iraisam-pirenena hanery ireo mpandroba fahefana hiverina amin’ny ara-dalàna. Ho an’ny Printsy Elakovelo dia miharihary amin’ireny fehin-kevitry ny Troika ireny fa tsy manaiky hosoka na koa soloky fahefana ny fianakaviambe iraisam-pirenena. Mpikambana Arema, fantatra amin’izy mivantambatam-piteny ny Printsy Elakovelo, tsy nivilivily izy nilaza fa “ny mety amin’ireo mpitondra ankehitriny, dia ny mametra-pialana ka manao mbay lalana, fa ny tany tan-dalàna dia manaja ary mampanjaka ny demokrasia”. Hentitra ny teniny nilaza fa dia tsy hijanona ny tolom-bahoaka, ary tsy hiato izany raha tsy miverina ny ara-dalàna, manjaka eto Madagasikara ny demokrasia ary malalaka ny fanehoan-kevitra sy ny haino aman-kery.

Nangonin’i Jean D.