Politique

Pr Zafy Albert �Fitondrana lany daty no misy eto�

Politique
Alatsinainy 21 Martsa 2011

Nidina an-kianja tao amin’ny Magro Behoririka, nanentana sy nitondra hafatra ho an’ny mpiara-mitolona mitaky ny hamarenana ny ara-dalàna eto Madagasikara, araka ny fampanantenana nataony ny Pr Zafy Albert ny sabotsy teo. An-karavoana tanteraka no nandraisan’ny vahoaka maro, nameno kianja, azy teny an-toerana. “Manome hery anay izay miasa ny fahamaronareo, tonga be dia be toy izao. Tsy ankolafy 3 ihany isika fa vahoaka tsy vakivolo ary milaza ny tenanay fa hiara-dia aminareo hatramin’ny farany izahay. Matokisa !”, hoy ny rain’ny demokrasia. Tsy nihambahamba ity farany nilaza fa “lany daty ary tsy misy FAT intsony izao. Resaka daholo ny rehetra fa tsy izay te hanangana fanjakana na governemanta izao dia afaka”. Nampiany fa “tsy i Simao izay tsy nety nandray anay no hanome sori-dalana tsy mahomby”. Araka ny nambarany moa dia nandefasan’i Camille Vital taratasy miangavy azy ireo hanolotra anarana hotendrena ho minisitra ny tenany. Nanaovany setriny ampahibemaso izany ka nilazany fa “tokony hiandry ny FAT ka raha te hanolotra anarana amin’ny fanjakantsika izy ireo dia raisina”. Tsy maintsy mandroso isika, hoy izy.

Manohy