Politique

Otrikafo Tsy hamaha ny krizy ny lalan-kizoran�ny FAT

Politique
Alatsinainy 09 Mey 2011

Diso lalana ny fitondrana tetezamita, araka ny fahitan�i Andrianjaka Rajaonah, filohan�ny antoko Otrikafo azy.

Aminy dia tsy hisy vahaolana hivoahana amin’ny krizy azo antenaina amin’ny lalan-kizorana safidian’ny FAT. Nambarany fa ampy izay telo taona nihodinkodinana nampijaliana ny vahoaka izay. “Milaza Rajoelina fa hitondra fanovana fa tsy misy izany izao”, hoy ity filohan’ny antoko Otrikafo ity. Milaza ho manana ny fanafody hanasitranana ny firenana koa anefa ny Otrikafo amin’ny alalan’ny fandraisana andraikitra eny ifotony. “Ireo hery politika rehetra dia miantehitra tamin’ny fanelanelanana sahanin’ny vahiny ka nametraka ny “approche par mouvance”, avy eo ny “approche par parti” kanefa tsy maintsy miainga amin’ny vahoaka ihany ny vahaolana izany hoe any anivon’ny Fokontany raha tena tiana ny hivoaka amin’ny krizy” raha ny fanazavan’i Andrianjaka Rajaonah. Momba ny fivoriamben’ireo filoham-pirenena ao amin’ny Sadc ny 20 mey izao izay handray fanapahan-kevitra momba an’i Madagasikara dia nambarany fa tsy hitondra vahaolana koa io. Manizingizina ny tenany fa tsy hisy zava-banona raha tsy mipetraka ny fiandrianam-pirenena sy ny fandraisan’ny Malagasy an-tanana ny hoaviny.

Yves

Sary : Andrianjaka Rajaonah, Filohan’ny antoko Otrikafo